Categories
Sawaal - Jawaab

Sawaal-Jawaab-49

👉 Sms prepared by 👈
ZEBNEWS

* Monday *** SawaL-JawaB ****


Sender by —-
Xyz

sawal — Mustafa jaane rahmat pe laakhon salaam jab ek baar padha to laakhon salaam kaise pahunchega

jawab — Agar ye aitraz hai to dar asal ye aitraz khuda par hai,isko yun samjhiye ki maine aapse salaam kiya ASSALAMO ALAIKUM yaani salamati ho tum par,ab ye bataiye maine kah to diya magar ye salamati aap par naazil kaise hogi aur kaun naazil farmayega,zaahir si baat hai ALLAH tabarak wa taala hi salamati naazil farmane waala hai usi ke fazl se aap salamat rahenge,to hamara nabiye paak sallallaho taala alaihi wasallam ki baargah me laakhon salaam bhejna ya karodo durood bhejna dar asal rab ki baargah me dua hai ki “maula mere nabi ki baargah me mera laakhon salaam pahuncha” to ab bataiye rab pahuncha sakta hai ya nahin,agar haan to aitraz dafa ho gaya aur agar nahin to phir aapko ALLAH ki qudrat par bharosa hi nahin hai aapka imaan khatre me hai janab,are bhai ek nahin hazaron aisi riwaytein paayi jaati hai ki ek baar padho to hazaaro laakhon ka sawaab milta hai maslan

ALLAH rabbul izzat farmata hai ki shabe qadr 1000 mahino se behtar hai-para 30,surah qadr
Rajab ke 1 roze par 1 saal ke roze ka sawaab-ma sabat min sunnah,safah 126
Shabe baraat me 2 rakat nafl padhne me 400 saal ki ibadat ka sawab-nuzhatul majalis,jild 1,safah 132
Jo makka sharif me 1 ramzan paaye to 1 laakh ramzan ka sawab-bahare shariyat,hissa 5,safah 96
Kuchh duroode paak hain kisi ko 1 baar padhne par 1 laakh durood ka sawaab to kisi par 6 laakh durood ka sawab

Ab in sabko kya kahenge ki nahin aisa nahin ho sakta ek baar padhne par itna sawaab nahin mil sakta,ab kisi ko ALLAH ki qudrat par bharosha ho ya na ho magar hamein poora yaqeen hai ki jab hum 1 martaba MUSTAFA JAANE RAHMAT PE LAAKHON SALAAM padhte hain to beshak hamara parwar digaar hamara laakhon salaam hamare nabi ki baargah me pahuncha deta hai

Sender by —-
M siddique – kanpur

sawal — Kya kaala kapda pahanna jayaz hai

jawab — Bila shubah jayaz hai,haan bas muharram ke 10 roz na pahna jaaye

Almalfooz,hissa 4,safah 40

Sender by —-
M altaf – karnatak

sawal — Agar kisi ko duroode ibraheem ya uske baad ki dua yaad na ho to kya kare

jawab — Yaad kare sunnat hai jab tak yaad nahin hota koi sa durood padh lein namaz ho jayegi

Bahare shariyat,hissa 3,safah 76

Sender by —-
M ajmal – gorakhpur

sawal — Musafa karne ke baad kuchh log haath ko seene se lagaate hain iska kya hukm hai

jawab — Dono haathon se musafa karna sunnat hai haathon ko seene se lagaane ka to zikr nahin hai lekin koi aisa karta hai to ye koi najayzo haraam bhi nahin

Bukhari,jild 2,safah 926

Sender by —-
M ali – kanpur

sawal — Imaam agar muqtadiyon se aage kuchh oopar khada ho to kya hukm hai

jawab — Imaam agar muqtadiyon se 6 inch oonchi jagah par khada hota hai to aisa karna makruhe tahreemi hai namaz wajibul iyaada hogi

Fatawa razviya,jild 3,safah 415

Sender by —-
Asrar raza – mahoba

sawal — Kisi ke inteqaal ke baad uske kapdo ka kya kiya jaaye

jawab — Ghar waale agar pahanna chahen pahan sakte hain warna kisi gareeb ko de dein mayyat ki taraf se sadqaye jaariya hoga sawab pahunchta rahega

Abu daood,jild 1,safah 166

Sender by —-
Zeenat fatima – nagpur

sawal —

jawab —

Sender by —-
M suhail – karnatak

sawal — Kya namaz me aankhen bund kar sakte hain

jawab — makruh hai lekin agar aankhen bund karne se namaz me zyada dil lagta hai to behtar hai ki bund karke padhe

Bahare shariyat,hissa 3,safah 145

Sender by —-
Xyz

sawal — Agar namaz me alhamdo ke baad surah milana bhool gaya ruku me yaad aaya to kya kare

jawab — Ruku se wapas qayaam me laute surah padhe phir se ruku kare aur aakhir me sajda sahu karle

Fatawa razviya,jild 3,safah 639

Sender by —-
Nizaam uddin – sant kabir nagar

sawal — Buzurgane deen ke naam se fatiha karake khud hi kha lena kaisa hai

jawab — Sadqaye naafila khud kha sakte hain jayaz hai aur waise bhi buzurgane deen ki baargah me kiya gaya nazr tabarruk hai uska khaana faiz hai

Fatawa aziziya,jild 1,safah 78

Sender by —-
Ghaus uddin – fatehpur

sawal —

jawab —

Sender by —-
Bilal ashrafi – muradabad

sawal — Kya daadhi munda azaan de sakta hai

jawab — Koi maujood nahin hai to de sakta hai magar daadhi waala aa gaya to behtar hai ki iyaada kiya jaaye

Bahare shariyat,hissa 3,safah 33

Sender by —-
Xyz

sawal — kya ghar ke darwaze ke oopar togre me quran ki aayat likhi ho to laga sakte hain,hamare imaam sahab mana karte hain

jawab — bilkul laga sakte hain ye lagaana mahaz tabarruk ke liye hota hai,mana karne ki wajah agar ye hai ki quran ki aayat se paani hokar naali me bahega to ye fizool hai kyunki hadise paak se saabit hai ki fir’aun ne apne mahal ke sabse oopri hisse par BISMILLAHIR RAHMAANIR RAHEEM likhwaya hua tha jiski barqat se uska mahal halaqat se bachta raha,kya bismillah sharif quran ki aayat nahin hai,aur agar is wajah se mana karte hain ki quran par kisi gair muslim ki nazar na pade to ye bhi koi maayne nahin rakhta ki aksar beshtar hamare gharo me kabhi na kabhi koi gair muslim aa hi jaata hai agar che kisi bhi kaam se aaya ho,to agar ghar ke andar aaya to musalmano ke gharo me aksar togre tage hote hain jinme quran ki aayat likhi hoti hai to ispar nazar to padegi hi aur ghar ke andar togra lagaana jis par quran ki aayat likhi ho aalahazrat ne jayaz wa mustahsan farmaya hai

Tafseere kabeer,jild 1,safah 152

Fatawa razviya,jild 9,safah 522

*** agar aapke dil me bhi kuchh deeni sawalat ho aur jinka jawab aap maslake AALAHAZRAT ki roushni me chahte ho type karen

Apna naam
Apna shahar
Apna sawal

aur whatsapp karen 9335732950 par

Naushad ahmad “ZEB” razvi
General secretary,Allahabad
All india jamaat raza-e mustafa

Leave a Reply

Your email address will not be published.