Categories
Sawaal - Jawaab

Sawaal-Jawaab-46

👉 Sms prepared by 👈
ZEBNEWS

* Monday *** SawaL-JawaB ****


Sender by —-
Xyz

sawal — Hindu agar gosht laakar de aur kahe ki main musalman ki dukaan se laaya hoon to kya le sakta hai

jawab — Haraam hai,AALAHAZRAT farmate hain ki zabah se lekar agar musalman ke haath me aane tak lagatar koi musalman wahan maujood raha jab to halaal hai aur agar ek aan ke liye bhi gosht nazar se gaayab hua ya phir musalman maujood na raha to haraam hai,aur yahi hukm wahabiyon aur deegar bad mazhabo ka bhi hai

Ehkaame shariyat,hissa 3,safah 252

Sender by —-
Sarmin razviyah – varanasi

sawal — Kya kaafir bhi huzoor ke ummati hain

jawab — Ummat ki 2 kismein hain ek hain ummate daawat jisme tamam kaafiro murtad sab hi daakhil hain aur doosri hai ummate ijabat jisme sirf musalman daakhil hain kyunki sirf isi ne huzoor ki islam ki daawat ko qubool kiya

73 me 1,safah 12

Sender by —-
Tauseef raza – chittaudgarh

sawal — Kya kisi ke liye halaala karna gunah hai

jawab — Agar nikah ke waqt ye bhi kaha jaaye ki tum isse nikah karke phir talaaq de dena taaki baad iddat ke main nikah kar loon to is surat me gunahgaar honge magar nikah phir bhi ho gaya,aur agar kuchh kaha na gaya balki jaanta hi hai ki halaala ki surat hai to koi gunah nahin balki musalaman ki imdaad hai aur sawab ki ummeed

KItabul kabayer,safah 225

Sender by —-
M rizwan – gulbarga sharif

sawal —

jawab —

Sender by —-
M alam – fatehpur

sawal — Sab momin hi kyun nahin hain aakhir kaafir kyun paida hote hain jabki sabko ALLAH hi paida karta hai

jawab — Sabse pahli baat ki jo bhi bachcha paida hota hai agar che kisi hindu kisi eesayi ya kisi bhi kaafir ke ghar to jab tak wo apna mazhab nahin pahchaanta wo fitrat par hai yaani momin hai usi haalat me agar mar jaaye to jannati hai,aur use kaafir wagairah uske ghar waale bana dete hain

Doosri baat beshak sabko khuda ne hi paida kiya hai lekin sochne samajhne ke liye aql de di hai,insaan na to farishto ki tarah maasoom hai aur na ped pattharo ki tarah bebas w majboor,yaani har sahi galat ko samajhne ki maula ne salahiyat de rakhi hai aur ye duniya ek imtihan gaah hai jisme sabko apni aql ke hisaab se amal karna hai,jo jaisa amal karega waisa usko ajr milega,ab ye kahna ki hum to musalman ke ghar me paida ho gaye hai to hum musalman hue aur wo kaafir ke ghar paida hue to wo kaafir rah gaye to iski koi asl nahin kya ye wahabi devbandi qaadiyani khaarji shiya ahle hadees jamate islami wa kitne hi bad mazhab firke musalman ke ghar me paida hone ke bawajood kaafir na hue isi tarah na jaane kitne hi kaafiro ke ghar me paida hone ke ba wajood islaam qubool kar lete hain,kam alfaaz me bahut kuchh samjha diya hai bas itna jaan lijiye ki apne achchhe bando ka imtihaan lene ke liye maula ne ye sab cheezein duniya me rakhi taaki sabki aazmayish ho sake

Sender by —-
M owais – surat

sawal — Umre ko jaane ke liye photo khinchana kaisa hai,aur jin mazaron pe camera lage hon to kya wahan ja sakte hain,zyadatar ulma video ko jayaz kah rahe hain to ye aksariyat ho gayi aur hadees hai ki meri ummat gumrahiyat par jama nahin ho sakti,Taj us shariya ke bahut se khulfa t.v par aate hain to wo unhein khilafat kyun dete hain

jawab — Pahli baat Ye ki main bata chuka hoon ki voter id ration card aadhar paasport driving licence isi tarah ki kuchh aur bhi cheezein jin par photo lagana laazmi kar diya gaya hai to us surat me sirf us kaam ke liye photo khinchane ki ijazat hai,isme umra ya gair umra ki koi baat nahin hai maslan kisi ko umre ya hajj par jaana hi nahin hai magar phir bhi ehtiyatan wo paasport banwana chahta hai to ijazat hai ki photo khinchaye aur paasport banwaye

doosra ye ki mazaron par camera laga hai to ye zabardasti ka amal hai jiski zarurat nahin thi magar phir bhi agar lag gaya to aap apni marzi se wahan photo khinchane nahin gaye hain balki haaziri ko gaye hain aur majburi me aapki video ban rahi hai iske liye ye zimmedar nahin

teesra ulma ki 2 kismein hain ek ulmaye haq doosra ulmaye soo to jitne bhi t.v aur video ko jayaz kah rahe hain wo hargiz hargiz ulmaye haq nahin lihaza aksariyat ka sawal hi nahin paida hota aur ulmaye haq kisi gumrahiyat par jama ho jaayein ye to ho hi nahin sakta kyunki hadise paak hai meri ummat ka ek giroh faisla aane tak haq par rahega,agar aap nahin samajh rahe hain ki wo giroh kaunsa hai to main batata hoon wo sirf aur sirf razvi yaani barailvi hai,aur jisko aap ulma ki aksariyat kah rahe hain aise lallu panju ulma se to wo jaahil musalman hazaar guna behtar hai jo ilm na rakhne ke ba wajood bhi photo ko haraam samajhta hai

Chautha huzoor taj us shariya ke kisi ek khalifa ka naam bata dijiye jisko khilafat uski gumrahi ke baad mili ho,janab kisi ki gumrahi uske chehre par nahin likhi hoti ki kaun kab gumrah hoga aur kaun kab kaafir,to hazrat ki khilafat lene ke baad kaun kya karta hai isse hazrat ki khilafat dene par harf nahin aata aur ek baat jahan tak main jaanta hoon aur maine dekha bhi hai ki hazrat ki khilafat conditional hoti hai yaani ki jab tak maslake aalahazrat par rahega tab tak huzoor taj us shariya ka khalifa hai aur jaise hi maslake aalahazrat se zarra barabar hata to ab na wo khailfa hai aur khilafat uske kisi kaam ki

Sender by —-
Rahmat ali – banglore

sawal — Agar imaam se koi galti ho jaaye jisse ki namaz kharab ho gayi magar muqtadiyon ko pata na chale to kya tab bhi un muqtadiyon ki namaz hogi aur kya wo kusooor waar thahrenge

jawab — Agar imaam ki namaz faasid to sabki faasid agar makruhe tahrimi to sabki waajibul iyaada haan magar aisi surat me muqtadi gunahgar nahin honge jab imaam bata de tab us namaz ka iyaada karna padega aur agar imaam ne nahin bataya to qayamat ke din use sabki namaz ka hisab dena hoga

Fatawa razviya,jild 1,safah 226

*** agar aapke dil me bhi kuchh deeni sawalat ho aur jinka jawab aap maslake AALAHAZRAT ki roushni me chahte ho type karen

Apna naam
Apna shahar
Apna sawal

aur whatsapp karen 9335732950 par

Naushad ahmad “ZEB” razvi
General secretary,Allahabad
All india jamaat raza-e mustafa

Leave a Reply

Your email address will not be published.