Categories
Sawaal - Jawaab

Sawaal-Jawaab-42

👉 Sms prepared by 👈
ZEBNEWS

* Monday *** SawaL-JawaB ****


Sender by —-
Mohiuddin memon – mumbai

sawal — Kya attahyat me ayyohan nabi ki jagah ya ayyhoan nabi kah sakte hain

jawab — Kah sakte hain hadees me dono tarah ki riwayat aayi hai

QAZIYE SHAHAR ALLAHABAD MUFTI SHAFIQ AHMAD SHARIFI

sawal — Kya bagair peer se mureed hue koi kah sakta hai ki main falan ka mureed hoon

jawab — Agar kisi ko ba sharah peer na mile aur ye apne aapko kisi buzrgane deen ka murrd kahta hai to insha ALLAH unke muridon me hoga magar mustahab yahi hai ki kisi basharah peer se baqayda mureed ho ki yahi tariqa ulma o mashayakh ka raha hai

QAZIYE SHAHAR ALLAHABAD MUFTI SHAFIQ AHMAD SHARIFI

Sender by —-
Munawwar raza – alld

sawal — Kya baisy ke paise se hajj kar sakte hain jabki abhi baisy bharna baaki ho

jawab — Kar sakte hain

QAZIYE SHAHAR ALLAHABAD MUFTI SHAFIQ AHMAD SHARIFI

Sender by —-
Hafiz niyazuddin – nagpur

sawal — Mard aur aurat ke kafan me kapde barabar kyun nahin hai

jawab — Aurat ka satar mard ke muqable zyada hai maslan mard ko sirf naaf se lekar ghutno tak chhipana farz hai magar aurat ko sar se lekar pair tak chhipana farz hai so uske kafan me bhi kapde zyada hain

QAZIYE SHAHAR ALLAHABAD MUFTI SHAFIQ AHMAD SHARIFI

Sender by —-
Sarwar raza – raibaraily

sawal — Qabr me jo patra wagairah lagate hain to shuru kidhar se karna chahiye sar ki taraf se ya pair ki taraf se

jawab — Kisi bhi taraf se rakh sakte hain koi harj nahin magar sarhane ki taraf se shuru karna zyada behtar hai

QAZIYE SHAHAR ALLAHABAD MUFTI SHAFIQ AHMAD SHARIFI

Sender by —-
Suhail raza qadri – kanpur

sawal — ALLAH quran me insan ko khoobsurat bata raha hai to fir humare ulma apne aapko kisi wali ya buzurg ka kutta kyun kahte hain

jawab — Beshak insaan ashraful makhluqaat hai magar uska apne aapko kisi wali ya peer ka kutta kahna mahaz aajizi wa inkisaari ke taur par hota hai na ki haqiqi taur par wo apne aapko kutta kah raha hai,jayaz hai

QAZIYE SHAHAR ALLAHABAD MUFTI SHAFIQ AHMAD SHARIFI

Sender by —-
Mohib raza – buldhan

sawal — Kya naapki ki haalat me kisi wali ki niyaz khaa sakte hain maslan gyarhwin ya tosha wagairah

jawab — khaa sakte hain

QAZIYE SHAHAR ALLAHABAD MUFTI SHAFIQ AHMAD SHARIFI

Sender by —-
Aaftab razvi – lucknow

sawal — Kuchh log kahte hain ki chappal ulti hone se manhusiyat hoti hai kya aisa hai

jawab — Aisa kuchh nahin hai ye sab jihalat hai

QAZIYE SHAHAR ALLAHABAD MUFTI SHAFIQ AHMAD SHARIFI

Sender by —-
Gulam yaseen – gorakhpur

sawal — Kam se kam mahar kitna rakha ja sakta hai

jawab — 2 tola 7 maasha aur 4 ratti agar isko gram me kahun to 33 gram chaandi ya iski keemat mahar me rakhi ja sakti hai isse kam par mahar baandha to nikah ho gaya magar mahar 33 gram chhandi ki keemat hi deni waajib hogi

QAZIYE SHAHAR ALLAHABAD MUFTI SHAFIQ AHMAD SHARIFI

Sender by —-
Hafiz niyaz uddin – nagpur

sawal — paani ka kaarobar karna kaisa hai jaisa ki aajkal botlon me paani filter karke becha jaa raha hai

jawab — paani jiski milk me aa gaya uska hai,bechne me harz nahin

QAZIYE SHAHAR ALLAHABAD MUFTI SHAFIQ AHMAD SHARIFI

Sender by —-
Zishan barqati -pilibheet

sawal — Jiski kuchh rakat chhot gayi ho wo aakhir qaayde me attahyat padhkar khaamosh rahe ya taqraar karta rahe

jawab — SHAHADATAIN ki taqraar karne ka hukm aaya hai,behtar ye hai ki dheere dheere attahyat padhe ki imaam ke sallam ferne tak mukammal ho aur agar pahle khatm ho gaya to taqraar kare aur nahin bhi karta yunhi khaamosh baithta hai jab bhi koi harj nahin

QAZIYE SHAHAR ALLAHABAD MUFTI SHAFIQ AHMAD SHARIFI

Sender by —-
Arshad ullah – kolkata

sawal — Naapak kapde ko bagair dhoye dhoop me sukha liya kya paak hoga

jawab — paak nahin hua dhona padega magar zameen par najasat giri aur sookh gayi ki uska asar bhi baaki na raha zameen paak ho gayi uspar namaz padh sakte hain

QAZIYE SHAHAR ALLAHABAD MUFTI SHAFIQ AHMAD SHARIFI

Sender by —-
Salaam shaikh – mumbai

sawal — Bhai aur dost me kiska martaba bada hai

jawab — Bhai ka martaba bada hai

QAZIYE SHAHAR ALLAHABAD MUFTI SHAFIQ AHMAD SHARIFI

Sender by —-
Armaan khan – jaleshwar

sawal — Tahajjud ki kitni rakat hai aur kab padhi jaaye

jawab — Tahajjud ki kam se kam 2 rakat aur huzoor sallallaho taala alaihi wasallam se 8 rakat tak saabit hai,farz namazo ke baad sabse afzal namaz raat ki hai magar tahajjud ke liye sona shart hai maslan isha padhkar soya aur kuchh minute baad hi aankh khul gayi to tahajjud padh sakta hai aur nahin soya jaise ki shabe baraat wagairah me saari raat log jaagte hain to wo tahajjud nahin padh sakte agar padhenge to salatul lail ho jayegi magar tahajjud ka sawab na payenge

Bahare shariyat,hissa 4,safah 23

Sender by —-
Rameez ansari – mp

sawal — Khutbe ki azaan ka jawab dena aur uske baad dua padhne ka kya hum hai

jawab — Khutbe ki azaan ka zabaan se jawab dena ya uske baad dua padhna ya khutbe ke beechh me kisi bhi tarah ka kalaam karna ya dono khutbe ke beech zabaan se dua karna muqtadi ke liye ye sab najayzo haraam hai yahan tak ki kisi ki taraf gardan ferkar dekhna bhi haraam hai aur khutbe ke waqt namaz padhna bhi gunaah hai

Fatawa razviyah,jild 3,safah 696-709

Sender by —-
Ahsan qaadri – rajasthan

sawal — Wuzu karne se gunah jhadte hain to kya sageera maaf hote hain ya kabeera bhi

jawab — Sageera aur kabeera dono dhul jaate hain

Fatawa razviyah,jild 1,safah 167

Sender by —-
Hina khan – mumbai

sawal — Kya hamare aaqa ne kabhi azaan di hai

jawab — Huzoor sallallaho taala alaihi wasallam ne ek martaba zuhar ki azaan di hai aur aapne ASHHADO ANNA MUHAMMADUR RASOOL ALLAH ki jagah ASHHADO INNI RASOOL ALLAH kaha

Durre mukhtar,jild 1,safah 280

Sender by —-
M zafar – alld

sawal — Agar duaye qunoot yaad na ho to kya kare

jawab — Yaad kare aur jab tak yaad na ho to RABBANA AATINA….NAAR tak padhe aur ye bhi taad na ho to 3 baar ALLAHUMMAG FIRLI kahle

Ahkaame shariyat,hissa 1,safah 44

Sender by —-
Ashar azhari – barabanki

sawal — Qayamat ke din musalman to khuda ko dekhega par kya kaafiro ko bhi khuda ka deedar hoga

jawab — Hashr ke maidaan me dono ko khuda ka deedar hoga musalman rahmo karam ki haalat me dekhega aur kaafir gazab ki haalat me,uske baad kaafir ko ye nemat dobara haasil na hogi magar musalman jannat me bhi apne rab ka deedar karta rahega

Takmilul imaan,safah 6

Ashatul lamaat,jild 4,safah 425

*** agar aapke dil me bhi kuchh deeni sawalat ho aur jinka jawab aap maslake AALAHAZRAT ki roushni me chahte ho type karen

Apna naam
Apna shahar
Apna sawal

aur whatsapp karen 9335732950 par

Naushad ahmad “ZEB” razvi
General secretary,Allahabad
All india jamaat raza-e mustafa

Leave a Reply

Your email address will not be published.