Categories
Sawaal - Jawaab

Sawaal-Jawaab-39

👉 Sms prepared by 👈
ZEBNEWS

* Monday *** SawaL-JawaB ****

—————————————-

Sender by
Sharif razvi-jodhpur

sawal — bachche ke kaan me azaan kyun di jaati hai

jawab — AALAHAZRAT farmate hain ki bachche ki paidayish ke baad fauran hi use gusl dekar 4 baar daaye kaan me azaan kahen aur baayen kaan 3 baar takbeer kahen isme deir na karen ki shaitan ka dakhal shuru ho jaata hai

Almalfooz,hissa 3,safah 10

Sender by —-
Rizwan ashrafi – indore

sawal — kya raat me naakhun kaat sakte hain

jawab — bilkul kaat sakte hain

Bahare shariyat,hissa 16,safah 192

Sender by —-
Mukhtar qadri – dubai

sawal — aitraz kiya jaata hai ki sunni hajj ke mauqe par namaz to wahabiyon ke peechhe nahin padhta magar khutba sunta hai,kya ye sahi hai

jawab — khutba juma ke liye shart hai hajj ke liye nahin,wahan khutbe ka sunna ya na sunna koi maane nahin rakhta

Bahare shariyat,hissa 4,safah 96

Sender by —-
Aarif ahmad – nasik

sawal — kya huzoor sallallaho taala alaihi wasallam ko khwab me dekha ja sakta hai

jawab — bilkul dekha ja sakta hai,hadise paak me aata hai ki jisne huzoor ko dekha usne unhi ko dekha ki shaitan huzoor ki soorat me nahin aa sakta

Shamye shabistane raza,safah 680

Sender by —-
Siddique razvi – udaipur

sawal — ek shakhs wahabi ko kaafir nahin maanta uske liye kya hukm hai

jawab — wahabiyo ke kufriya aqayad ko jaante hue unhein kaafir na jaanna kufr hai,tauba tajdeede imaan tajdeede nikah tajdeede baiyat sab karni hogi,haan kisi khaas ka naam lekar tab tak kaafir nahin kaha ja sakta jab tak ki uske aqeede ka ilm na ho jaaye ki baaz jaahil musalman nawakifi me wahabiyon ke saath ho lete hain

Raddul mukhtar,jild 3,safah 317

Sender by —-
M mohsin – alld

sawal — kya jaanwaro se bachane ke liye qabr par babool ka kaanta wagairah rakh sakte hain

jawab — rakh to sakte hain magar ye koi sahi ilaaj to nahin hai balki hona to ye chahiye ki qabristan ke chaaro taraf deewar uthakar gate wagairah laga diya jaaye taaki jaanwar andar aane hi na paayen,magar haaye re musalman gairon ki baat hi na kariye khud apne hi jaanwar qabristan me charne ke liye chhod deta hai maaz ALLAH,qabr par paanv rakhna najayaz hai ki huzoor farmate hain ki mere liye angaare par pair rakhna rawa hai magar ye ki main kisi musalman ki qabr par paanv rakhun,ALLAHO AKBAR ye qaul huzoor sallallaho taala alaihi wasallam ka hai ki jinka pair kisi ko lag jaaye to uski magfirat ho jaaye wo to qabr par pair rakhna gawara nahin farmate aur ek aajka musalman hai to apne hi murdo ko jaanwaron se kuchalwata hai,maaz ALLAH,maula hidayat ata farmaye

Fatawa africa,safah 33

Sender by —-
xyz

sawal — kya sar par agar kauwa baith jaaye to kuchh bura hota hai matlab accident ya maut wagairah

jawab — aisa kuchh nahin hai ye sab jihalat hai

QAZIYE SHAHAR ALLAHABAD MUFTI SHAFIQ AHMAD SHARIFI

Sender by —-
xyz

sawal — 786 likhna kahan se saabit hai aur iska matlab kya hota hai

jawab — har huroof ka ek adad hota hai maslan alif ka 1 be ka 2 jeem ka 3 daal ka 4,so isi lihaaz se BISMILLAHIR RAHMANIR RAHEEM ka adad 786 aata hai,aur iska likhna hamare bahut se akabereen se saabit hai jisme shahzadaye aalahazrat huzoor muftiye aazam hind raziyallahu taala anhu bhi shaamil hain

Tajalliyate shaikh mustafa raza,safah 86

Sender by —-
Absaar ali – mumbai

sawal — kuchh masjido me azaan ke baad salaat padhi jaati hai kuchh me nahin aur sab sunniyo ki hi masjid hai aisa kyun

jawab — salaat baad azaan ke padhna bahut achchha hai to jo karte hain achchha karte hain aur jo nahin karte to aisa karne ka kahin hukm to aaya nahin hai lihaza koi gunaah nahin,haan iski shuruaat AALAHAZRAT ne 781 hijri rabiul aakhir likhi hai so taqriban pichhle 650 saalon se sirf hindustan hi nahin balki poori duniya me rayaj hai

Ahkame shariyat,hissa 1,safah 118

Agar aapke dil me bhi kuchh deeni sawalat ho aur jinka jawab aap maslake AALAHAZRAT ki roushni me chahte ho type karen

Apna naam
Apna shahar
Apna sawal

Aur whatsapp karen 9559893468 par lekin khayal rahe ki jawab ke liye jaldi na karen jab mauqa milega aapko jawab mil jayega in sha ALLAH taa’la

Naushad ahmad “ZEB” razvi
General secretary,Allahabad
Jamaat raza-e mustafa

Leave a Reply

Your email address will not be published.