Categories
Sawaal - Jawaab

Sawaal-Jawaab-38

👉 Sms prepared by 👈
ZEBNEWS

* Monday *** SawaL-JawaB ****


Sender by —-
Mohib raza – buldhan

sawal — meraj sharif me mere aaqa nalain sharif pahankar arshe aazam par gaye the kya ye riwayat sahi hai

jawab — mahaz jhooth aur manghadant hai usi tarah ye baat bhi bilkul be asl hai ki qabr se uthne par har momin ki qabr par ek buraaq bhejne ka mere aaqa sallallaho taala alaihi wasallam ne apne rab se waada le liya hai

Ahkame shariyat,h 2,s 144

Sender by —-
Saif raza – allahabad

sawal — agar kisi bad aqeede ko bura jaante hue kya usse hansi mazaak kar sakte hain aur kya ghar aana jaana tohfa ka lena dena kiya ja sakta hai

jawab — hadise paak me aata hai ki bad mazhab se door raho aur unhein apne qareeb na aane do ki kahin wo tumhe gumrah na kar dein aur kahin wo tumhe fitne me na daal dein,agar wo beemar padein to unki iyadat na karo agar wo mar jaayen to unke janaze me sharik na ho unse mulaqat hone par salaam na karo aur na hi unke salaam ka jawab do na unke paas baitho na khao na piyo na shaadi biyah karo,na unka janaza padho aur na hi unke saath koi namaz padho

Mishkat,jild 1,safah 22

Sender by —-
xyz

sawal —

jawab — s

Sender by —-
Mansoor razvi -tisgaon

sawal — kya masjid me nikah kiya ja sakta hai jabki ho sakta hai ki badmazhab ya bagair taharat ke bhi log aa jayen

jawab — masjid me nikah karna sunnat hai magar isme ehtiyat ki bahut sakht zarurat hai jise aajkal nibha paana bahut mushkil hai jaise ki masjid me duniya ki jayaz baat karna bhi jayaz nahin hai ab agar shaadi karne pahunche hain to wahan kutchehry ki tarah bahas shuru ho jayegi fir kisi bhi bad mazhab ko masjid me jaane se rokna waajib hai ab shaadi me aaye hue kisi wahabi ko kaise rokenge aur fir har aane wala zaruri nahin ki gusl aur wuzu se paak hi ho ab wuzu na ho to chalega magar gusl se paak na hua tab to uska masjid me daakhil hona hi haraam hai lihaza in sab baaton ko dekhte hue masjid me nikah ki ijazat nahin di ja sakti haan agar suuni sahiul aqeeda sirf chund log yaani dulha aur uske wali ya gawaah wagairah jaakar sukuno itminan ke saath masjid ke ehkaam ko poora karte hue nikah kar aayen to koi harj nahin

Bahare shariyat,hissa 3,safah 151–156
Bahare shariyat,hissa 16,safah 120

sawal — kya farzi mazaar banana aur fir wahan taqreer karwana aur usme ulma ikram ka sharik hona kaisa hai

jawab — farzi mazaar banana unpar haziri dena fatiha padhna urs karna chadar chadhana ye sab najayzo haraam hai,jo haaziri dete hain tauba karen

Fatawa razviya,jild 4,safah 115

sawal — kya masjid me jamaat ho jaane ke baad bhi kuchh aur log jamaat bana sakte hain

jawab — jamaate saniya bila shubah jayaz hai magar imaam ke mehrab se hatkar daayen ya baayen bagair azaan ke sirf ekamat kahkar qaayam kar sakte hain

Bahare shariyat,hissa 3,safah 130

Sender by —-
xyz

sawal — kya bewa saas apni suhagan bahu ka zevar pahan sakti hai jabki use wapas karna ho

jawab — bewa agar jawaan hai to iddat guzarne ke baad jab wo nikah kar sakti hai to zevar kyun nahin pahan sakti,bahar haal iddat guzarne ke baad wo nikah kare ya na kare uski marzi hai magar banao singaar kar sakti hai koi manahi nahin

sawal — kya machhli aur arhar ki daal par fatiha nahin hoti

jawab — kyun nahin hogi,har wo halaal cheez jo kha sakte hain uspar fatiha bhi dila sakte hain

Galat fahmiyan aur unki islah,s 85-153

Sender by —-
Shahbaz ali – gujrat

sawal — kya patang uda sakte hain

jawab — patang udana najayaz hai aur uski dor lootna haraam,agar us dor se kapda sil diya jaaye to wo kapda pahnna haraam aur uspar namaz padh li to namaz wajibul iyada

Ahkame shariyat,hissa 1,safah 45

Sender by —-
M ansaar – rajasthan

sawal — jin namazo me imaam aawaz se qirat nahin karte kya unme muqtadi qirat kar sakta hai

jawab — imaam ke saath kisi bhi namaz me muqtadi ko qirat jayaz nahin chahe wo namaz jahri ho ya sirri

Muslim,jild 1,safah 215

Sender by —-
Hina razviya – jharkhand

sawal — koi aisa wazifa batayen jo kamzor zabaan waale bhi aasani se padh saken

jawab — ya KAREEMO padhen,aasani se ada hoga,har namaz ke baad kam se kam 100 baar padhne ki aadat daalein insha ALLAH iski barkat se maalo daulat izzat shohrat ilm sab kuchh haasil hoga

Shmaye shabistane raza,h 2,s 239

*** agar aapke dil me bhi kuchh deeni sawalat ho aur jinka jawab aap maslake AALAHAZRAT ki roushni me chahte ho type karen

Apna naam
Apna shahar
Apna sawal

aur whatsapp karen 9335732950 par

Naushad ahmad “ZEB” razvi
General secretary,Allahabad
All india jamaat raza-e mustafa

Leave a Reply

Your email address will not be published.