Categories
Sawaal - Jawaab

Sawaal-Jawaab-37

👉 Sms prepared by 👈
ZEBNEWS

* Monday *** SawaL-JawaB ****


Sender by —-
Tahir razvi – kanpur

sawal — kya koi apni saali ki ladki se nikah kar sakta hai

jawab — saali ki ladki maharmaat me daakhil nahin hai,kar sakta hai

Bahare shariyat,hissa 7,safah 17

sawal — kya mick par namaz ho jaati hai

jawab — huzoor muftiye aazam hind ne loud speaker ki aawaz ko imaam ki aawaz nahin maana hai lekin agar jamaat kaseer ho aur mukabbereen ka istemaal kiya jaata ho to baaz ulma ke nazdeek jayaz hai,aur agar mukabbereen ka istemaal na kiya jaaye to sirf un logon ki namaz hogi jahan tak bagair loudspeaker ke imaam ki aawaz jaati hai,uske alawa sab ki namaz faasid hogi,bahar haal jab kisi masle me ikhtilaf ho use tark karna hi aula hai lihaza loud speaker par hone waali namaz ko behtar to kisi surat me nahin kaha ja sakta

Fatawa mustafviya,safah 10

sawal — agar mahar 30 saal baad ada karta hai to kis keemat se ada karega aajki ya 30 saal pahle ki

jawab — awwal to ye ki mahar me aksar raqam hi darj hoti hai to jo raqam darj hai wo dede,doosre ye ki agar mahar me sona ya chaandi ka wazan likha hai maslan 10 tola sona likha hai to is haalat me agar sona dena chahe to 10 tola sona dede ya fir wo raqam deni hogi jo is waqt banti hai

QAZIYE SHAHAR ALLAHABAD MUFTI SHAFIQ AHMAD SHARIFI

sawal — agar ladka ladkiyon jaisi waza qata banaye to kya hukm hai

jawab — mard ko aurat ki aur aurat ko mard ki mushabahat ikhtiyar karna najayzo haraam hai,tauba kare

Bukhari,jild 2,safah 874

Sender by —-
Faisal qadri – indore

sawal — kya asr ke baad ya raat me jhaadu nahin de sakte

jawab — bilkul de sakte hain,awaam me jo mashhoor hai bilkul be asl hai

QAZIYE SHAHAR ALLAHABAD MUFTI SHAFIQ AHMAD SHARIFI

Sender by —-
xyz – rahmatabad

sawal — kya mazaar ka tawaaf kar sakte hain

jawab — mazaar ka tawaaf karna najayaz hai

QAZIYE SHAHAR ALLAHABAD MUFTI SHAFIQ AHMAD SHARIFI

sawal — kya design daar naqaab pahna ja sakta hai

jawab — bilkul pahan sakte hain haan bas dheela dhaala hona chahiye aur chehra bhi dhaka hona chahiye

QAZIYE SHAHAR ALLAHABAD MUFTI SHAFIQ AHMAD SHARIFI

Sender by —-
Arshad raza – barabanki

sawal —

jawab — t

Sender by —-
xyz

sawal — agar khwab yaad na ho aur kapde me tari bhi na dikhayi de aur namaz padh li magar baad ko kuchh chiknahat mahsoos huyi to ab kya kare

jawab — gusl kare aur namaz ka iyada kare

QAZIYE SHAHAR ALLAHABAD MUFTI SHAFIQ AHMAD SHARIFI

Sender by —-
xyz

sawal — kya koi mureed zina karle to kya uski baiyat toot jayegi

jawab — agar che maaz ALLAH zina gunahe kabira hai magar kufr nahin jab tak ki ise jayaz na jaane to jab kufr nahin to islam se khaarij nahin hua lihaza baiyat baaki hai,haan tajdeed karna chahe karle

Mishqat,safah 18

Sender by —-
Mushtaq shekh – gujrat

sawal — kya aisi dawa ya teil lagana jisse ki baal kaale ho jaayen jayaz hai

jawab — khizab haraam hai

Sender by —-
Zishan khan – indore

sawal — kutte ki raal naapak hai ya rowan aur iski wajah kya hai

jawab — kutta agar che bheega hi kyun na ho naapak nahin haan magar najasat waale paani se na nikla ho aur uska sirf raal hi naapak hai,jab hazrat aadam alaihissalam ka putla banaya ja raha tha to iblees layeen ne hasad me aakar uspar thook diya tha jo ki naaf ki jagah par gira,maula ne utni mitti nikalkar usse kutta bana diya,kutte ke andar 3 khaslatein paayi jaati hai pahli ye ki insaan se bahut jald ghul mil jaata hai kyunki insaan ki baqiya mitti se bana hai doosra ye ki raat bhar jaagta hai kyunki hazrat jibreel alaihissalam ka haath lag gaya hai aur teesra ye ki naapak hai ki uspar shaitan ka thook pad gaya hai

Tafsir ruhul bayan,jild 1,safah 86

Sender by —-
xyz

sawal — agar muqtadi se koi waajib chhot jaaye tab bhi kya sajda sahu karna padega

jawab — agar imaam ke saath namaz shuru ki hai jab to sajda sahu ki haajat nahin haan agar kuchh raqat chhoot chuki thi uske padhne me koi waajib tark hua to ab sajda sahu karna padega

Fatawa razviyah,jild 3,safah 642

Sender by —-
Abdullah – dubai

sawal — agar

jawab —

QAZIYE SHAHAR ALLAHABAD MUFTI SHAFIQ AHMAD SHARIFI

sawal —

jawab — MUFTI SHAFIQ AHMAD SHARIFI

sawal — kya huzoor ne meraj sharif me khuda ko zaahiri taur par dekha ya parde me

jawab — beshak huzoor sallallaho taala alaihi wasallam ne apne rab ko apne saamne apni aankhon se deedar kiya

paara 27,surah najm,aayat 17

Bukhari,jild 2,safah 1120

Sender by —-
Hafiz niyaduddin – nagpur

sawal — kya wali ki ijazat ke bagair mureed nahin ho sakte

jawab — deeni ehkaam me kisi ki ijazat ki zarurat nahin hoti,aurat bagair shouhar ki ijazat ke mureed ho sakti hai

Ahkame shariyat,hissa 2,safah 164

*** agar aapke dil me bhi kuchh deeni sawalat ho aur jinka jawab aap maslake AALAHAZRAT ki roushni me chahte ho type karen

Apna naam
Apna shahar
Apna sawal

aur whatsapp karen 9335732950 par.

Naushad ahmad “ZEB” razvi
General secretary,Allahabad
All india jamaat raza-e mustafa

Leave a Reply

Your email address will not be published.