Categories
Sawaal - Jawaab

Sawaal-Jawaab-36

👉 Sms prepared by 👈
ZEBNEWS

* Monday *** SawaL-JawaB ****


Sender by —-
Hafiz niyazuddin – nagpur

sawal — daargah par haaziri dene ka sabse behtareen tariqa kya hai

jawab — AALAHAZRAT azimul barqat farmate hain ki kisi bhi wali ke aastane par paanv ki jaanib se daakhil hon aur 4 haath peechhe khade hon,na to mazaar ko chhuen aur na hi choomen ki isi me zyada adab hai,fir haath baandhkar jo kuchh sahi padh sakta ho padhe aur unki baargah me nazr kare aur waha dua maangne ke 3 tariqe hain pahla to ye ki maula ki baargah me arz kiya jaaye ki is wali ke sadqe me meri dua qubool farma doosra ye ki wali se istimdaad kiya jaaye ki ai waliyallah rub ki baargah me meri sifarish farmaiye aur teesra jo ki mere nazdeeq sabse behtar hai ki unhi ki baargah me istigaasa kiya jaaye ki meri ye aarzoo poori farmayi jaaye ki beshak ALLAH rabbul izzat ne apne waliyon ko wo ikhtiyar de rakha hai ki jisko jo chahen ata karen

sawal —

jawab —

Sender by —-
Mohib raza – buldhan,mhr

sawal — agar imaam khule aam koi gunah karta hai to kya uske peechhe uska tazkira karna geebat hogi

jawab — jo gunah chhipkar kiye jaate hain unka kisi ke saamne zaahir karna yaqinan geebat hai magar jisko khud hi apni izzato waqar ki parwah na ho to aise ki burayi bayaan karna hargiz geebat nahin,aisi haalat me pahle imaam ko tambeeh ki jaaye agar wo maan jaaye to theek warna bila shubah muqtadiyon ko uske peechhe namaz padhne se roka jaaye

Bahare shariyat,hissa 16,safah 151

sawal — kya juma ki mubarak baad de sakte hain

jawab — juma sayyadul ayyam hai momin ke liye hafte ki eid hai uski mubarakbaad dena jayaz hai

QAZIYE SHAHAR ALLAHABAD MUFTI SHAFIQ AHMAD SHARIFI


Sender by —-
M munawwar – alld

sawal — kya birthday me cake kaatna sahi hai

jawab — jis tariqe se eesayi apna bairthday manate hain us tariqe se manana yaqinan najayzo haraam hai,haan yunhi mehmano ko khilane ke waaste cake aaya ho to kaat kar hi diya jayega ye jayaz hai

QAZIYE SHAHAR ALLAHABAD MUFTI SHAFIQ AHMAD SHARIFI

Sender by —-
Mukhtar qadri – dubai

sawal — mazaar ko gusl dena kahan se saabit hai jabki AALAHAZRAT ne mazaar ko choone se bhi mana farmaya hai

jawab — aapne farmaya ki behtar hai ki na chhuye lekin agar koi chhoo leta hai ya mazaar ko choom bhi leta hai to ise haraam nahin farma diya aur gusle mazaar buzurgane deen ke maamool se raha hai aur chunki us paani ko ek wali se nisbat ho gayi to wo tabarruk ki haisiyat rakhta hai,ab jisko najayaz lagta hai wo najayaz hone ki daleel pesh kare

QAZIYE SHAHAR ALLAHABAD MUFTI SHAFIQ AHMAD SHARIFI

sawal — Annikaho min sunnati ye hadis kis kitab me hai

jawab — siyah sitta me hai

Sender by —-
Usman gani – baroda,guj

sawal — aqeeqa kis umr me karna chahiye aur uske gosht se gyarhwin wagairah kar sakte hain aur kya wo gosht maa-baap nahin kha sakte

jawab — aqeeqa saatwen din karna sunnat hai baad me bhi ho sakta hai,aur uska gosht maa-baap daada daadi naana naani sabhi kha sakte hain aur gyarhwin bhi ho sakti hai

Bahare shariyat,hissa 15,safah 154

Sender by —-
Zeeshan khan – indore

sawal — qabr me kya sawaal honge aur qabr aur jahannam ke azaab me farq kya hai

jawab — qabr me teen sawaal honge 1.man rabboka-tara rub kaun hai 2.maa deenoka-tera deen kya hai 3.maa taqulu fi haazar rujul-is marde momin ke baare me tera kya aqeeda hai inka jawaab hoga 1.rabbiyallah-mera rub ALLAH hai 2.deeniyal islam-deen mera islam hai 3.haazan nabiyo sallallaho taala alaihi wasallam-ye hamare nabi hain

qabr ka azaab ek musalman par sirf juma aane tak hi rahta hai agar che wo kitna bhi gunahgaar raha ho uske baad azaab utha liya jaata hai baaqi ke liye jahannam me haaziri hogi,magar itna samajh lijiye ki ek musalman kitna bhi gunahgaar ho agar imaan par khaatma hua to hamesha jahannam me nahin rahega balki apni saza poori hone se pahle hi huzoor ki shafat se aur khuda ki rahmat se wo jannatul firdaus me daakhil hoga,insha ALLAH

Anwarul hadis,safah 123

Sharahus sudoor,safah 164

Sender by —-
Irfan khan – mp

sawal — khudkushi karna haraam hai magar maaz ALLAH agar koi ladki apni aabru bachane ke liye aisa qadam utha le to kya wo bhi gunahgaar hogi

jawab — ALLAH na kare kisi par aisa din aaye magar allama shaami ne ek ladki ke liye is muaamle me rukhsat di hai

QAZIYE SHAHAR ALLAHABAD MUFTI SHAFIQ AHMAD SHARIFI

Sender by —-
xyz

sawal — kya bank me naukri karna jayaz hai

jawab — soodi karobar ka lekha-jokha yaani accountant ki naukri haraam hai uske alawa kisi aur job me harj nahin

QAZIYE SHAHAR ALLAHABAD MUFTI SHAFIQ AHMAD SHARIFI

Sender by —-
M ali -kanpur

sawal — imaam ne janaze ki namaz me 3 hi taqbeer par salaam fer diya aur mayyat ko dafn bhi kar diya gaya,baad ko bahut saare logon ne gawaahi di ki waqayi teen taqbeer par hi namaz khatm ho gayi,ab aisi haalat me kya kiya jaaye

jawab — namaze janaza me chaaron taqbeer farz hai to agar chaar taqbeer nahin boli gayi to namaz hi nahin huyi,ab koi bhi ek shakhs kabristan jaakar uspar namaz padh de namaz ho jayegi aur agar kisi ne nahin padhi to sab gunahgaar honge

QAZIYE SHAHAR ALLAHABAD MUFTI SHAFIQ AHMAD SHARIFI

*** agar aapke dil me bhi kuchh deeni sawalat ho aur jinka jawab aap maslake AALAHAZRAT ki roushni me chahte ho type karen

Apna naam
Apna shahar
Apna sawal

aur whatsapp karen 9335732950 par.

Naushad ahmad “ZEB” razvi
General secretary,Allahabad
All india jamaat raza-e mustafa

Leave a Reply

Your email address will not be published.