Categories
Sawaal - Jawaab

Sawaal-Jawaab-34

👉 Sms prepared by 👈
ZEBNEWS
03/03/1438

Shahre allahabad me bhi 29 ke chaand hone ki gawahi mausool huyi hai so is bina par QAZIYE SHAHAR ALLAHABAD MUFTI SHAFIQ AHMAD SHARIFI sahab qibla ne 29 ke chaand ki tasdeeq kar di hai lihaza aaj chaand ki 5 taarikh lag gayi is lihaaz se ab 12 rabiul awwal sharif 12 december 2016 ko hoga aur juluse MUHAMMADI sallallaho taala alaihi wasallam 11 december ko raat me nikala jaayega.

** Monday ** SawaL-JawaB **

Sender by —-
Shahab uddin – jabalpur

sawal — kya kishton me saaman khareed sakta hai

jawab — AALAHZARAT ne naqad ur udhaar ki alag alag keemat rakhne ko jayaz farmaya hai to jab bech sakte hain to zaahir si baat hai ki koi kharidega bhi haan magar musalman ko chahiye ki interest wagairah kahkar na becha jaaye magar sharah musalman ke 1 rs. ka bhi nuksaan nahin chahti lihaza behtar nahin hai haan ashad majburi ho to udhaar zyada keemat par kharidne me harj nahin

QAZIYE SHAHAR ALLAHABAD MUFTI SHAFIQ AHMAD SHARIFI

Sender by —-
M shahzad – odissa

sawal — Alamlfooz me likha hai ki ahde maazi me salateene islam ne razeel qaumon ko aala taaleem se rok diya tha,sawal ye hai ki razeel qaumon se kaun muraad hain

jawab — AALAHAZRAT azimul barqat apna qaul nahin balki hindustani awaam ka qaul nakal karte hue farmate hain ki hindustan me 4 qaume hi izzat waali gini jaati thi sayyad shaikh pathan aur mughal,par aap farmate hain ki kisi neech jaati ka bhi koi shakhs agar musalman hota hai to islam me uski bhi wahi izzat hogi jo ki ek musalman ki hoti hai aur hargiz use kamtar nahin samjha ja sakta,haan ye alag baat hai ki agar wo apni pichhli kisi nishani ko islam me shaamil karna chahen to bilkul unhein musalmano se door rakha jaaye to salatine islam ne zaroor kisi qaum me aisi koi nishani dekhi hogi jis bina par unhein ilm se door rakha gaya

QAZIYE SHAHAR ALLAHABAD MUFTI SHAFIQ AHMAD SHARIFI

Sender by —-
Xyz

sawal — agar kisi ladki ki laash musalman ko mile aur uski pahchaan na ho sake to use kya samjha jaaye musalman ya fir kuchh aur

jawab — har musalman par waajib hai ki apni waza qata is taur par rakhe ki musalman pahchana jaye maslan mard ko daadhi topi libaas wagairah aur aurton ko parda naqaab wagairah,ab iska jawab ye hai ki agar us ladki ki laash musalmano ke ilaaqe ke qareeb mile to to guslo kafan aur namaze janaza padhkar dafn karen aur agar musalaman ka ilaaqa nahin hai to yunhi dafn kar de namaze janaza na padhe agar che musalman hi kyun na ho ki ye uski duniya me saza hogi ki apne musalman hone ki pahchaan kyun na rakhi

QAZIYE SHAHAR ALLAHABAD MUFTI SHAFIQ AHMAD SHARIFI

Sender by —-
M aazam – alld

sawal —

jawab — MUFTI SHAFIQ AHMAD SHARIFI

Sender by —-
Suhail akhtar – alld

sawal — haamila aurton ko kaise rahna chahiye matlab khana peena ya kaam kaaj wagairah

jawab — surah mariyam sharif ki tilawat ki jaaye,khaane peene me baadi aur gair haazime waali cheezen hargiz na di jaaye,aur giza ke liye main khajoor se achchha kuchh nahin samajhta ki kitabon me aata hai ki jab hazrat mariyam raziyallahu taala anhu ko darde zeh shuru hua to aap basti chhodkar door jangalon me chali gayin aur wahan rab ne aapko ek sukhe hue khajoor ke darakht ko hilane ka hukm diya to usse taaza khajuren baramad huyi to aap musalsal wahi khajoor khaati rahin aur paani peeti rahin iske alawa aapko kisi aur giza ki zarurat nahin padi aur aapki jismani tawanayi ka ye haal tha ki aap apne nau maulood bachche yani hazrat EESA alaihissalam ko godh me lakar itni door chalkar basti pahunch gayin,aur ghar ke kaam-kaaj bhi karaye jaayen ki insha ALLAH islami tariqon se agar aurat rahegi to doctaron ke chakkar se mahfooz rahenge,aur ye wazifa bhi hamesha padhne ko kahen ” duhayi hazrat shekh yahya muniri raziyallahu taala anhu ki ” ye wahi wazifa hai jo aurton ko gud me dum karke khilaya jaata hai

Tibbe nabwi aur jadeed sayins,safah 153

Shamye shabistane raza,h 1,safah 45

Sender by —-
Xyz

sawal — kya asr ke baad nafl padhna haraam hai

jawab — mana hai haraam nahin hai

Momin ki namaz,safah 186

Sender by —-
Zeeshan khan – indore

sawal — murga baang kyun deta hai

jawab — hadise paak me aata hai ki jab tum murge ko aawaz deta hua suno to ALLAH se apne fazl ke liye dua karo ki wo farishton ko dekhkar hi bolta hai aur jab gadhe ko cheekhta hua suno to ALLAH se shaitan ki panah maango ki wo iblees ko dekhkar cheekhta hai

Muslim,jild 2,safah 351

Sender by —-
Faisal qadri – indore

sawal — aksar ek msg aata hai ki huzoor ne farmaya ki jo meri hadees sunkar aage na pahunchaye uska chehra be noor ho jaye kya ye sahi hai

jawab — log kya se kya kar dete hain aisa bilkul nahin hai haan albatta ye hadees zaroor hai ki ALLAH taala us mard ko taro taaza rakhe jis ne mera kalaam suna use yaad kiya aur doosro tak pahunchaya aur doosri hadees hai ki jo meri 40 hadison ko hifz kare uspar amal kare aur usko meri ummat tak pahunchaye to uspar meri shafat waajib hai aur use ulma ke giroh me uthaya jayega

chahal hadees,safah 13

Sender by —-
Sayyad aatif – nagpur

sawal — kya jin logon par haaziri aati hai use bura nahin kahna chahiye aur iski asl kya hai

jawab — kya kabhi suna hai ki kisi ulma ya fuqha par haaziri aayi ho,haaziri aaseb ya jinn ke asar se hi aati hai aur jinpar aati hai wo log yaqinan ruhani beemar hain,shariyat me iski koi asl nahin aur aise logon ki baat par koi bharosa nahin ki wo sach hi bol rahe hon maine khud maaz ALLAH ek ke munh se kahte hue suna ki unpar hazrat aamina bibi ki haazri aati hai koi kahta hai ki hazrat bibi fatima ki sawari aati hai maaz ALLAH to koi kahta hai ki khwaja sahab aate hain,maaz ALLAHE RABBIL AALAMEEN

*** agar aapke dil me bhi kuchh deeni sawalat ho aur jinka jawab aap maslake AALAHAZRAT ki roushni me chahte ho type karen

Apna naam
Apna shahar
Apna sawal

aur whatsapp karen 9335732950 par.

Naushad ahmad “ZEB” razvi
General secretary,Allahabad
All india jamaat raza-e mustafa

Leave a Reply

Your email address will not be published.