Categories
Sawaal - Jawaab

Sawaal-Jawaab-32

👉 Sms prepared by 👈
ZEBNEWS

** Monday ** SawaL-JawaB **


Sender by —-
M saood – alld

sawal —

sawal — kya bed ya chaarpai par namaz padh sakte hain

jawab — namaz me sajda karna farz hai aur usme peshani ka jamna shart hai aur agar naak haddi tak na dabi to makruhe tahrimi yaani waajibul iyaada hogi to bed par namaz padhne me koi harj nahin magar spring waala gadda na bichha ho aur chaarpai par namaz padhne me uspar namaz ke arkaan sahi ada na ho payenge lihaza chaarpayi par namaz nahin hogi

Bahare shariyat,hissa 3,safah 65

Sender by —-
M ali – kanpur

sawal — kya kisi wali ko sher babbar sher ya cheeta kah sakte hain

jawab — bhai unko sher kahna muhawre ke taur par hota hai ki jaise jungle ka raja sher hota hai aur sabpar uski huqumat hoti hai waise hi ALLAH ke wali bhi duniya ke sher hain jinki baadshahat sab par hai

sawal — muazzin agar azaan dete waqt kuchh harf bhool gaye to kya iyaada karna hoga

jawab — kalimaate azaan me agar hayya alas salah aur hayya alal falah kahna chhoot gaya to behtar hai ki dohra lein aur iske alawa kuchh alfaz bhool gaya to dohrane ki zarurat nahin azaan ho gayi,aur agar iyaada ki zarurat ho aur bagair iyada namaz padh li to namaz makruh hai magar ho gayi

Bahare shariyat,hissa 3,safah 31

sawal — agar koi ek masjid me sunnat padhkar kisi doosri masjid me chala gaya aur wahan ab azaan huyi to kya fir se sunnat padhni hogi

jawab — pahle to ye ki masjid se azaan ho jaane ke baad nikalna hi bura hai haan koi doosre kaam se masjid gaya tha aur maaz ALLAH namaz padhne ki niyat nahin thi tab to nikal sakta hai,warna masla to ye hai ki agar zuhar ya isha ki farz padh chuka ho aur masjid me jamaat qayam ho jaaye aur ye masjid me maujood hai to nafl ki niyat karke jamaat me shaamil ho jaaye aur fajr wa asr wa magrib me agar namaz padh chuka hai aur ab jamaat qaayam huyi to baahar ja sakta hai ki fajr wa asr ke baad nafl nahin aur magrib ki 3 rakat hai isliye jaane ki rukhsat hai,to ab agar koi sunnat padhkar doosri masjid me chala gaya to achchha nahin kiya aur agar waqt ho to bilkul sunnat padhega aur agar jamaat qaayam hai to sunnat padhne ki zarurat nahin

Bahare shariyat,hissa 3,safah 186

Fatava razviya,jild 3,safah 613

Sender by —-
xyz

sawal — kya achchhe libas ko tark karke agar hum mamooli aur saste kapde pahne to kya sawab milega

jawab — kapde saste aur maamooli se matlab nahin hai bas aisa nahin hona chahiye ki gairon ke saamne musalman ki izzato waqar kam ho,aur achchhe se achchha kapda pahanna bhi mubah hai yaani jayaz hai bas dikhawa aur ghamand ke taur par na ho warna gunahgar hoga

Bahare shariyat,hissa 16,safah 46

Sender by —-
Suhail raza qadri – kanpur

sawal — kya rumman naam rakh sakte hain

jawab — rummaan ka maane anaar hota hai,rakh sakte hain magar behtar nahin haan umme roomaan hazrat aaysha siddiqa raziyallahu taala anha ki maa ki kunniyat thi

firozullogaat,safah 718

Sender by —-
Shauqat ali – jabalpur

sawal — jab gusl farz ho to kya nahin padhna chahiye

jawab — quran ki aayton ko chhodkar sab kuchh padh sakte hain magar kulli karke padhen

Sender by —-
Zeeshan ali – kolkata

sawal — kya daadhi rakhne ka hukm quran me hai

jawab — ji nahin,daadhi rakhna sunnate ambiya hai aur iska hukm waajib ke qareeb hai aur ye hadis se saabit hai magar quran me daadhi ka zikr zaroor maujood hai jab hazrat moosa alaihissalam kohe toor par gaye to apne peechhe apni qaum par apne bhai hazrat haaroon alaihissalam ko naayab kar gaye jab hazrat moosa alaihissalam wapas aaye aur apni qaum ko but-parasti karte dekha to aap jalaal me aa gaye aur apne bhai hazrat haaroon alaihissalam par gussa ke izhaar karte hue aapne unke baal aur daadhi pakad li jaisa ki quran me maujood hai raab farmata hai ki haroon ne kaha ki ” ai meri maa ke bete na meri daadhi pakdo aur na sar ke baal ” to saabit hua ki ki unki daadhi maujood thi aur itni badi thi ki hazrat moosa alaihissalam ke haathon me aa gayi

paara 16,surah taaha,aayat 94

Sender by —-
Kausar khan – mumbai

sawal — agar ek namaz me kayi galtiyan ho jaaye waajib chhot jaaye to kya ek hi sajda sahu karna hoga aur zyada

jawab — agar bhool se ek namaz me 10 waajib bhi tark ho jaayen to sabke liye wahi 2 sajda sahu kaafi hain

Fatava africa,safah 56

Sender by —-
Ahmad niyaz – jalalpur

sawal — faal dekhna kaisa hai baaz log quran se faal dekhte hain unka kya hukm hai

jawab — AALAHAZRAT farmate hain ki quran isliye nahin utaara gaya lihaza mana hai aur sharah me faal ki koi haisiyat nahin

Radde bidat wa munkirat,safah 350

Sender by —-
M rafi – alld

sawal — siyah sitta se kaun kaun si kitab muraad hai

jawab — siyah sittah me hadees ki 6 kitaabein hai bukhari,muslim,tirmizi,abu daood,ibne maaja,nisaayi

*** agar aapke dil me bhi kuchh deeni sawalat ho aur jinka jawab aap maslake AALAHAZRAT ki roushni me chahte ho type karen

Apna naam
Apna shahar
Apna sawal

aur whatsapp karen 9335732950 par.

Naushad ahmad “ZEB” razvi
General secretary,Allahabad
All india jamaat raza-e mustafa

Leave a Reply

Your email address will not be published.