Categories
Sawaal - Jawaab

Sawaal-Jawaab-30

👉 Sms prepared by 👈
ZEBNEWS

** Monday ** SawaL-JawaB **


Sender by —-
Muhammad ali – kanpur

sawal — azaan dena sunnat hai waajib hai ya farz hai,batayein

jawab — namaze panjgaana ke liye azaan dena sunnate muaqqida misl waajib hai ki agar azaan na kahi gayi to wahan ke saare log gunahgaar honge yahan tak ki imaam muhammad raziyalllahu taala anhu farmaate hain ki agar kisi shahar ke log azaan dena chhod dein to main unse jung karunga

Bahare shariyat,hissa 3,safah 31

Sender by —-
Sharif razvi – rajasthan

sawal —

Sender by —-
Faisal qadri – indore

sawal — murda sunnat ko zinda karne par 100 shaheedon ka sawab hai iska hawala bata dijiye aur kaunsi sunnat ko zinda karne par ye sawab milega

jawab — bhai aaj ke is purfitan daur me har sunnat hi murda hai,daadhi rakhna sunnat hai kaun rakhta hai,islami libas pahanna sunnat hai kaun pahanta hai,baithkar khaana peena sunnat hai,nazrein jhukakar chalna sunnat hai,har gunah se bachna aur har neki par tayyar rahna sunnat hai,namaz farz hai magar padhna to sunnat hai kaun padhta hai,mere bhai inme se ya koi bhi aisa kaam jo sharah hukm deti hai agar paabandi se karenge to beshak ek murda sunnat ko zinda karenge aur 100 shaheedon ka sawab paayenge

Ibne maaja,jild 3,safah 360

Sender by —-
xyz

sawal — main b.tech student hoon aur mujhe tie baandhna padhta hai,bataiye main kya karun

jawab — isayion ka aqeeda hai ki unhone hazrat eesa alaihissalam ko sooli par chadha diya,maaz ALLAH,jab ki ALLAH quran me farmata hai ki maine eesa ko zinda aasmaan par utha liya,aur hadees se bhi saabit hai ki qurbe qayamat me hazrat eesa alaihissalam duniya me naazil honge,lihaza isayion ka ye aqayde kufriya hai aur isi ki yaad me wo saleeb ki skaql me tie baandhte hain,bhale hi kisi musalman ka ye aqeeda na ho so kufr nahin magar tie baandhta hai to haraam kaam zaroor karta hai,lihaza isse parhez chahiye

tie ka masla-huzoor TAJUSSHARIYA

Sender by —-
xyz

sawal — holi ya diwali me hinduon se mithayi ya tohfe lena kaisa hai aur agar pooja ki ho to

jawab — AALAHAZRAT raziyallahu taala anhu farmaate hain ki imaam husain raziyallahu taala anhu ki niyaaz ki jaaye aur khaayi jaaye magar jo khaana taaziya par chadhaya jaaye yaani unpar tabarrukan rakhkar utaar liya jaaye us khaane se parhez karna chahiye ki na to taaziya taazeem ke laayaq hai aur na uspar chadha hua khaana,zara gaur kijiye taziya to taziya hai koi buut nahin jab uspar chadhaya khaana nahin khaa sakte to buton par chadha hua khaana kahan se jaayaz hoga,haan yunhi kaafir ke tohfa dene me do qaul hai agar khaas tyohar ke din diya jaata ho to hargiz na lein aur agar aage peechhe milta ho to lene me harz nahin

Almalfooz,hissa 1,safah 93

risalaye taziyadari,safah 5

Sender by —-
Suhail raza qadri – kanpur

sawal — agar koi shakhs dawate islami ka radd kare aur koi mufti us radd karne waale ko jaahil kahe to us mufti par kya hukm hai aur jisko jaahil kaha wo sayyad bhi hain

jawab — Hadise paak me aata hai ki jab gumaraah jamaate apni gumrahiyat failayen to ulma par waajib hai ki apna ilm zaahir karen yaani unka radd karein,khud mere peero murshid allama huzoor TAJUSSHARIYA dawate islami ka radd karte hain to kya wo bhi galat karte hain,maaz ALLAH,jis mufti ne dawate islami ka radd karne waale ko jaahil kaha bila shubah wo khud nira jaahil hai aur ek musalman ki balki ek sayyad ki tauheen ki aur zaruriyate deen ko rokne ki koshish ki lihaza uspar khud tauba waajib hai,aise jaahil mufti se door rahein

QAZIYE SHAHAR ALLAHABAD MUFTI SHAFIQ AHMAD SHARIFI

sawal — Noor naama aur shahadat naama padhna kaisa hai

jawab — shahadat naama zyadatar rafjiyon ka tarteeb karda hai aur usme aksar be asl riwayein likhi gayi hain lihaza hargiz na padha jaaye,aur noor naame me kya likha hai mujhe iska ilm nahin

Sender by —-
Rizwan qadri – alld

sawal — gaali bakna,gussa karna kaisa hai aur namaz me duniya ka khyal aaye to kya karen

jawab — fahash kalaami naajayaz hai aur musalmano se gaali galauch fisk amal hai yunhi gussa karna bhi shitan ki taraf se hai hadise paak me aata hai ki gussa imaan ko aisa kharaab karta hai jaise elva ( kadvi cheez ) shahad ko kharaab karta hai,aur namaz me jo padha jaata hai uspar dil jamaye isse khyal bhatakne me kami aayegi waise namaz ho jayegi

Bahare shariyat,hissa 16,safah 142-162

Sender by —-
Aarif azhari – mumbai

sawal — kya apne marhoom maa-baap ko apne namaz roze ka sawab bakhsh sakte hain

jawab — bilkul bakhsh sakte hain,apne namaz roze hajj zaqat sadqaat wa deegar aamaal ka sawab tamam marhumeen ko pahunchaya jaa sakta hai aur isse uske amal me koi kami na hogi

Fatava mustafviya,safah 466

Sender by —-
Shabbir ahmad – patna

sawal —

jawab —

Sender by —-
M shaqil – alld

sawal — shaadi ke baad shouhar apne doston se aur biwi apni saheliyon se miyan biwi me huyi raaz ki baatein share karte hain,iska kya hukm hai

jawab — sakht naajayzo haraam hai,hadise paak me aata hai ki sabse bade badbakht hain wo log jo apni khaas baatein logon par zaahir kiya karte hain

Muslim shareef,jild 1,safah 464

*** agar aapke dil me bhi kuchh deeni sawalat ho aur jinka jawab aap maslake AALAHAZRAT ki roushni me chahte ho type karen

Apna naam
Apna shahar
Apna sawal

aur whatsapp karen 9335732950 par.

Naushad ahmad “ZEB” razvi
General secretary,Allahabad
All india jamaat raza-e mustafa

Leave a Reply

Your email address will not be published.