Categories
Sawaal - Jawaab

Sawaal-Jawaab-29

👉 Sms prepared by 👈
ZEBNEWS

** Monday ** SawaL-JawaB **


Sender by —-
Irshaad khan – delhi

sawal — khade hokar khana peena kaisa hai aur kursi wagairah par baithkar joota pahne hue khaana kaisa hai

jawab — hadeese paak me hai ki agar tum bhoolkar khade hokar paani pee lo to yaad aane par qai kardo yaani ulat do aur khaana to usse zyada bura hai,zara sochiye ki huzoor sallallaho taala alaihi wasallam ye bhi to farma sakte the ki tauba karlo aur aainda aisa na karna magar aapne qai karne ke liye kyun farmaya kyunki khade hokar khaana peena bahut zyada muzir yaani nuqsaandeh hai,so isse har musalman ko parhez karna chahiye yunhi kursi par baithkar khaana sunnat ke khilaf hai magar joota pahne hue khaana ye khaalis tariqaye nasaara hai isse bacha jaaye

Fatawa africa,safah 41

Sender by —-
M umar – kanpur

sawal — kya iblees tauba kar sakta hai agar karle to kya uski tauba qubool hogi

jawab — bilkul hogi,magar wo karega nahin,ek martaba iblees layeen hazrat moosa alaihissalam ke paas aaya aur kahne laga ki main apne kiye par bahut naadim hoon main tauba karna chahta hoon aap meri shifarish khuda ki baargaah me kar dijiye aapne socha ki agar isne tauba karli to duniya se gunaahon ka jhamela hi khatam ho jaayega aur aapne rab ki baargaah me uski shifarish ki rab farmata hai ki ai moosa ye bahut makkar hai fir bhi tum kahte ho to main isko ek mauqa deta hoon isse kaho ki ye hazrat aadam alaihissalam ko sajda na karne ki wajah se raandaye baargaah hua to aaj ye jaakar aadam ki qabr ko sajda karle to main ise maaf kar doonga hazrat moosa alaihissalam ne rab ka farmaan use bataya ispar wo mardood kahne laga ki jab maine unki zindagi me unko sajda nahin kiya to ab baad wisaal ke main unhein sajda karunga,hargiz nahin,ye kahkar wo chala gaya,hadeese paak me aata hai ki maula usko 1 laakh saal jahannam me jalaane ke baad nikaalega aur farmayega ki ab bhi tu aadam ko sajda karle main teri khata maaf kar doonga ispar wo inkaar karega aur hamesha ke liye jahannam me jaayega

Tafseer ruhul bayaan,jild 1,safah 723

Sender by —-
Javed siddiqui – hydrabad

sawal — kaaba muazzama afzal hai ya madina tayyabah

jawab — bila shubah rauzaye anwar kaaba muazzama balki arsh mualla se bhi afzal hai

Zarqaani,jild 1,safah 324

Almalfooz,hissa 4,safah 71

Sender by —-
Faheem noori – ksa

sawal — jahan sood ke paise se agar salary baati jaati ho kya aisi naukri jaayaz hogi

jawab — jiske yahan kaam kiya ja raha hai agar uska koi aur bhi business hai aur wo jaayaz hai tab to ye nahin kaha ja sakta ki wo salary sood ke hi paiso se baat raha hai to shuqooq par hukm nahin lagta lihaza jaayaz hai lekin naukri aisi jagah karte hain jahan sirf soodi kaarobaar hi hota hai maslan bank ya share market ya sood par raqam di jaati ho to bilkul aisi salary balki aisa kaam hi haraam hai

QAZIYE SHAHAR ALLAHABAD MUFTI SHAFIQ AHMAD SHARIFI

Sender by —-
xyz

sawal — aajkal bahut saare log jalsa karte hain jinme aise muqarrir bulaaye jaate hain jinpar gumrahi ya kufr tak ka fatwa hota hai,aisa jalsa karane waale aur unme shaamil hone waalon par kya hukm hai

jawab — jisne kisi kaafir ke kufr me shaq kiya wo khud kaafir hai lihaza aisa jalsa karaane waale aur unme jaane waale agar aane waale ulamaye soo ke aqaayad se waaqif hain jab to wahi huqm insab par bhi lagega agar gumraah ki taqreer suni to gumraah aur kaafir ki suni to kaafir,maaz ALLAHE RABBIL AALAMEEN

Raddul mukhtar,jild 3,safah 317

Sender by —-
M mujahid – faizabad

sawal — jo baatein namaz me farz hain agar wo chhoot jaayein to kya sajda sahu se namaz ho jayegi

jawab — bhai sharaite namaz 6 hain taharat,satre aurat,isteqbale qibla,waqt,niyat aur taqbeere tahrima yunhi namaz ke 7 farayaz hain taqbeere tahrima,qayaam,qerat,ruku,sujood,qaaydaye akhirah,khuruje besunehi ab in sabme kuchh bhi qasdan sahwan nisyanan chhoota to hargiz sajda sahu se namaz nahin hogi fir se padhni hogi,haan kisi kisi masle me riyayat hai namaz ke muqammal masayal jaanne ke liye momin ki namaz musannif abdul sattar hamdaani padhiye,insha ALLAH ilm me bahad izaafa hoga

Bahare shariyat,hissa 3,safah 39-62

Sender by —-
Akmal razvi – mumbai

sawal —

jawab —

Sender by —-
Sajid hasan – banglore

sawal — quran me kitni namazo ka naam aaya hai

jawab — namazein 5 waqt ki farz hai aur yahi saabit hai jo iska inkaar karega kaafir hai,magar quran me sirf 3 hi waqt ka naam banaam aata hai fajr,zuhar,isha

Para 18,surah noor,aayat 58

Sender by —-
Rehan ansari – baraily

sawal — koi aisa wazifa bataiye ki bas ek hi padhna pade,har kaam ke liye alag alag wazife me kaafi uljhan mahsoos hoti hai

jawab — sabse pahle to namaze panjgaana shuru kar dijiye aur aur kasrat se duroode paak ka wird kijiye,ab kasrat se padhne ke liye 4 riwayatein hai 100,300,500,1000 behtar yahi ki rozana 1000 baar padha jaaye ki isse kasrat se padhne ki har riwayat par amal ho jaayega,aur 1000 baar padhne ki fazilat bhi haasi hogi hadise paak me aata hai ki jo rozana 1000 baar duroode paak padhega wo us waqt tak nahin marega jabtak ki apni jagah jannat me na dekh le aur is qadar durood padhna aapke har kaam ke liye mujarrab hai chaahe wo kaam duniyavi ho ya deeni,bahar haal har mushkil aasan hogi insha ALLAH

ab chahein to har namaz ke baad 100,100 baar aur sote waqt 500 baar ya har namaz ke baad 200 baar ya ek saath hi padhna chahein to padh sakte hain

Tirmizi bahawala qurbe mustafa,safah 121

*** agar aapke dil me bhi kuchh deeni sawalat ho aur jinka jawab aap maslake AALAHAZRAT ki roushni me chahte ho type karen

Apna naam
Apna shahar
Apna sawal

aur whatsapp karen 9335732950 par.

NAUSHAD AHMAD “ZEB” RAZVI
GENERAL SECRETARY,ALLAHABAD
ALL INDIA JAMAAT RAZA-E MUSTAFA

Leave a Reply

Your email address will not be published.