Categories
Sawaal - Jawaab

Sawaal-Jawaab-25

👉 Sms prepared by 👈
ZEBNEWS

** Monday ** SawaL-JawaB **


Sender by —-
Aarif siddiqui – kanpur

sawal — yazeed ko kuchh log musalaman bhi kahte hain usko kya samjha jaaye

jawab — AALAHAZRAT azimul barqat farmaate hain ki yazeed paleed ke baare me 3 qaul hain imaam ahmad wagairah ke nazdeek wo kaafir hai so unke nazdeek uski bakhshayish hargiz na hogi imaam gazaali wagairah use musalman jaante hain ki kitna hi azaab ho magar bakhsha jaayega aur hamare imaam imaame aazam is masle par sukoot farmaate hain ki na to use musalmaan jaante hain aur na kaafir lihaza is masle par sukoot yaani khamoshi hi ikhtiyar karen,haan uske jahannami hone me koi shaq nahin

AHKAAME SHARIYAT,H 2,P 152

Sender by —-
xyz – mumbai

sawal —

Sender by —-
Suhail raza qadri – kanpur

sawal — mitti ki zameen agar sookhi hai to kya uspar namaz padh sakte hain jabki ho sakta hai ki wahan najasat rahi ho

jawab — hukm yaqini par lagega shuqooq par nahin agar zameen sookhi hai to paak hai

BAHARE SHARIYAT,H 2,P 100

Sender by —-
Rizwan khan – delhi

sawal — bhai suna hai ki sayyadon ko aag nahin jalaati kya aisa hai

jawab — maine saba sanabil sharif me kahin padha hai ki ek sayyad saahab ke kurte me imtihaan ke liye kisi ne angaara daal diya magar unke kurte ko aanch tak na aayi,bhai ye sahi hai magar sayyad saahab ba amal hone chahiye warna unpar bhi duniya ki aag ka asar hona kuchh mushkil nahin haan agar imaam waale hain to jab to yaqinan jahannam ki aag nahin jalayegi

SABA SANABIL SHAREEF

Sender by —-
xyz

sawal — musaafa karne ki koi daleel bata dein

jawab — Musafa wa muanaqa nabi kareem sallallaho taala alaihi wassallam se bhi saabit hai aur sahaba ikram rizwanullaahi taala alaihaim ajmayeen jab bhi aapas me mulaqat karte to musaafa karte aur jab rukhsat hote to muanaqa karte,aur har namaz ke baad bhi musaafa karna bila shubah jaayaz hai

ALMALFOOZ,H 1,P 70

MISHQAT,KITABUL ADAB,BAABUL MUSAFA

Sender by —-
Mohiuddin memon -mumbai

sawal — dono jahan huzoor sallallaho taala alaihi wasallam ke liye banaya gaya hai bhai iski daleel bhej dein

jawab — imaam baihaki tibraani wa haakim ki hadise paak hai ki huzoor sallallaho taala alaihi wasallam farmaate hain ki hadise qudsi hai rub farmata hai ki “ai mahboob agar aap na hote to main zameeno aasman ko paida hi na karta doosri jagah irshaad hota hai rub farmaata hai ki “main ek chhipa hua khazana tha mujhe ye baat pasand aayi ki main pahchaana jaoon to maine muhammad sallallaho taala alaihi wasallam ko paida kiya

NOOR SE ZAHOOR TAK,P 120

Sender by —-
M qaadir – ahamdabad

sawal — kya gumrahon ki bakhshayish hogi aur ilyaas attar qadri ke baare me aapka kya kahna hai wo gumrah hain ya kaafir

jawab — beshak ALLAH rabbul izzat kufro shirk ke siwa sab kuchh bakhsh dega,ab agar gumraahi hadde kufr tak nahin pahunchi to ummeed hai,rahi baat ilyas attar ki to bhai main koi mufti nahin hoon ki kisi par fatwa doon main sirf apne ulma ka qaul naqal karta hoon aur jahan tak mujhe ilm hai abhi tak huzoor TAJUSHSHARIYA ne unpar kufr ka fatwa nahin lagaya,lihaza mera bhi wahi qaul hai jo mere imaam ka hai,magar itna zaroor hai ki dawate islami se doori banane me hi imaan ki khair hai

*** agar aapke dil me bhi kuchh deeni sawalat ho aur jinka jawab aap maslake AALAHAZRAT ki roushni me chahte ho type karen

Apna naam
Apna shahar
Apna sawal

aur whatsapp karen 9335732950 par.

NAUSHAD AHMAD “ZEB” RAZVI
GENERAL SECRETARY,ALLAHABAD
ALL INDIA JAMAT-E RAZA-E MUSTAFA

Leave a Reply

Your email address will not be published.