Categories
Sawaal - Jawaab

Sawaal-Jawaab-23

👉 Sms prepared by 👈
ZEBNEWS

** Monday ** SawaL-JawaB **


Sender by —-
M shahbaz – rajasthan


Sender by —-
M rasheed – bhadohi

sawal — jo imaam jaanwar ki qurbaani karta ho aur paisa bhi leta ho to kya uske peechhe namaz padh sakte hain

jawab — bhai zabah par ujrat lena jaayaz hai aur ye feil koi najayzo haraam to hai nahin to namaz me karahat ki koi surat nahin

AHKAME SHARIYAT,H 1,P 122

Sender by —-
M shadab – rudauli

sawal — kya qurbani aur aqeeqa saath me ho sakta hai

jawab — bilkul ho sakta hai niyat dil ke iraade ko kahte hain zabaan se kah lena mustahab hai to agar zabah karte waqt ye maalom hai ki fala ki qurbani aur fala ka aqeeqa hai to niyat maujood hai qurbani aur aqeeqa ho gaya,dua padhne ki aslan haajat nahin,haan mushtarka qurbani hai to naam liya jaaye ki zabah karne waale ke liye sab anjaan hain

QAZIYE SHAHAR ALLAHABAD MUFTI SHAFIQ AHMAD SHARIFI

Sender by —-
Suhail azhari – kanpur

sawal —

jawab — MUFTI SHAFIQ AHMAD SHARIFI

Sender by —-
Usman gani – gujrat

sawal — bhai khwab me saamp ko dekhna kaisa hai

jawab — chunki ab log khwab ki taabeer ke liye bhi mujhe msg karte hain isliye main kahna chahunga ki doston ye ek alag ilm hai aur mere paas iski zyada maalumaat nahin hai lihaza is mauzu par mujhse sawaal na karen,haan saamp aur kuchh darinde maslan sher,cheeta,siyaar aur bhi jo hon inhein inki taabeer dushman ki batayi gayi hai,lihaza kabhi bhi aise khwab dekhen jo aapke dil ko bechain karde to sabse behtareen aur naayaab amal ye hai ki fauran sadqa karen,ki jo bhi musibat ya balayein aane waali hai wo sadqe ki wajah se dafa ho jaayegi insha ALLAH

Sender by —-
Inam ashraf – rajasthan

sawal — jo log saahibe nisaab hain aur qurbani nahin karte kya unke yahan qurbani ka gosht bheja jaaye

jawab — bilkul bheja jaaye bhai jaan

QAZIYE SHAHAR ALLAHABAD MUFTI SHAFIQ AHMAD SHARIFI

Sender by —-
roushan ansari – jharkhand

sawal — qabr par phool daalne ki daleel bhej dein

jawab — hadise paak me aata hai ki huzoor jo qabron ke paas se guzre jinpar azaab ho raha tha aur koi badi baat ki wajah se nahin balki maamuli baaton ki wajah se usme se ek to peshaab ki chhinto se nahin bachta tha aur doosra chugli kiya karta tha to huzoor ne 1 tar shaakh beech se faadkar aadhi aadhi dono qabro par laga di aur farmaya ki jab tak ye shaakhein tar rahegi to tasbeeh karti rahegi aur mayyat par azaab halka rahega,ye hai daleel qabr par phool daalne ki ab sochiye ki jab tar shaakh ki tasbeeh se azaab halka ho sakta hai to momin bande ke padhe hue quran aur tilawat murde ke liye kitni rahmatein laata hoga

JA’AL HAQ,P 283

Sender by —-
M riefan – alld

sawal — bhai ek msg aa raha hai ki 7 logon ke hisse me agar koi wahaabi ho to qurbani nahin hogi ya koi sirf gosht khaane ki niyat se qurbani karega to kisi ki qurbani nahin hogi,to sawal ye hai ki maana ki wahaabi kaafir hai ya koi gosht ki laalach me qurbani kara raha hai magar isse un 6 logon ki qurbani kyun kharab ho rahi hai,halaanki shayad wo saato ek doosre ko jaante tak na hon,bataiye badi meharbani hogi

jawab — bhai jaan misaal se samjhata hoon ye bataiye kisi ek jug me kuchh log thoda thoda paani daalein kisi ne aabe zam-zam daala to kisi ne baarish ka paani to kisi ko kuchh nahin mila to mineral water daal diya magar usi me ek shakhs ne peshaab daal diya ab bataiye ki naapak kya hua sirf wo peshab naapak hua ya kul ka kul,zaahir si baat hai poora kharab ho gaya,to bhai aise hi jaanwar ek hi hai usme 7 hisse zaroor hain magar hai wo ek hi to agar ek ki niyat ya aqeeda kharaab hoga to kul ka kul kharab ho jaayega,haan ab rahi baat qurbani na hone ki to shariyat ke hukm ke aage aql se paida hue masayil ki koi auqaat nahin hoti maslan aapki riyah kharij huyi aapka wuzu toot gaya chahiye to ye tha ki jahan se riyah kharij huyi hai wo hissa dhoya jaaye ki aql yahi kahti hai magar shariyat kahti hai ki haath dhoyo munh dhoyo chehra dhoyo pair dhoyo,kyun,kyunki shariyat ka hukm hai,aql ka faisla nahin,haan albatta yahan par qurbani kharab to ho gayi hai aur yaqinan sabki kharab ho gayi hai magar qayamat ke din insha ALLAH un 6yo se iska muwakhiza yaani sawal jawab nahin kiya jaayega ki kisi doosre ki niyat par kisi doosre se hisaab kitab nahin hota

QAZIYE SHAHAR ALLAHABAD MUFTI SHAFIQ AHMAD SHARIFI

*** agar aapke dil me bhi kuchh deeni sawalat ho aur jinka jawab aap maslake AALAHAZRAT ki roushni me chahte ho type karen

Apna naam
Apna shahar
Apna sawal

aur whatsapp karen 9335732950 par.

NAUSHAD AHMAD “ZEB” RAZVI
GENERAL SECRETARY,ALLAHABAD
ALL INDIA JAMAT-E RAZA-E MUSTAFA

Leave a Reply

Your email address will not be published.