Categories
Sawaal - Jawaab

Sawaal-Jawaab-17

Aaftab khan – mumbai

sawal — ek bachche ke haath se galti se quran sharif chhootkar gir gayi hai,kya hukm hai bayaan kijiye

jawab — galti se quraan muqaddas ke girne par koi gunaah nahin baaz log quraan ko taul kar uske barabar anaaj sadqa karte hain aur use kaffarah samajhte hain ye unki kam ilmi hai qurano hadis me aisa koi hukm nahin hai haan yunhi sadqa karna chahen to kar sakte hain sawab milega aur na karne par koi gunaah nahin

GALAT FAHMIYAN AUR UNKI ISLAH,SAFAH 166

sawal — Rakhi bandhwana kaisa hai,aajkal bahut saare musalman aisa karte hain

jawab — islam me kisi bhi rishte ke huqooq ko chhoda nahin gaya,har haq kaise kitna kis tarah nibhana hai sab kuchh saabit hai,phir na jaane kyun in modern musalmano ko doosre ke hi dharam ki cheeze pasand kyun aati hai,yaad rakhen gair muslimo ka koi bhi tyohar musalmano ko manana sakht naajayzo haraam hai balki maaz ALLAH agar dil se unhein achchha jaane to kufr hai

Hadise paak me aata hai ki jo jis qaum se mohabbat karega usi ke saath uska hashr hoga,lihaza in sab baaton se musalmano ko parhez karna chahiye

QAZIYE SHAHAR ALLAHABAD MUFTI SHAFIQ AHMAD SAHAB SHARIFI

muhammad fahad – alld

sawal — roze me munh me halka halka thook aata hai to kya use nigalne se roza toot jayega

jawab — nahin,haan munh me thook ikathha na kare agar kar liya to ab thook de ki ye achchha nahin

bahare shariat hissa 5 page 126

sawal — Mera ye sawal h ke me jahan kaam karta hu waha barish me paani bhar jata h jisme naali ka bhi pani hota h aur pani guthne ke niche tak bhar jata h kya is surat me paak raha ke nhi

jawab — Jab naali ka paani usme mil raha hai to napaki ka hukm hi lagega,Usse bacha jaye

BAHARE SHARIYAT,HISSA 2,PAGE 99

Leave a Reply

Your email address will not be published.